હિમાચલ પ્રદેશમાં ભારે વરસાદ બાદ પૂર-ભૂસ્ખલનથી અત્યાર સુધીમાં 71નાં મોત, ઠેર ઠેર તબાહી

હિમાચલ પ્રદેશમાં ભારે વરસાદ બાદ સ્થિતિ વણસી છે. શિમલા અને મંડીમાં ભારે નુકસાન પહોંચ્યું છે. પૂર અને વારંવાર થઈ રહેલાં ભૂસ્ખલનના કારણે અત્યાર સુધીમાં 71 લોકોનાં કરુણ મોત નીપજ્યા છે. આ મૃત્યુઆંક હજુ પણ વધી શકે છે. આર્મી, ઈન્ડિયન એરફોર્સ અને સ્થાનિક તંત્ર દ્વારા રાહત અને બચાવ કાર્ય ચાલી રહ્યાં છે. એક દુર્ઘટનામાં એક જ પરિવારના સાત સભ્યોનાં મોત નીપજ્યા હોવાના રિપોર્ટ પણ સામે આવ્યા છે.