આ ઉપરાંત કેન્દ્રીય મંત્રીએ કહ્યું હતું કે, સંચાર સાથી પોર્ટલ શરૂ થયા બાદ સરકારે 52 લાખ મોબાઈલ કનેક્શન બંધ કરી દીધા છે અને 67,000 ડીલરોના નામ બ્લેકલિસ્ટ કરવામાં આવ્યા છે. મે 2023થી સિમ કાર્ડ ડીલરો સામે 300 FIR નોંધવામાં આવી છે. આ દરમિયાન સંચાર સાથી પોર્ટલ દ્વારા 17000 હેન્ડસેટ બ્લોક કરવામાં આવ્યા છે, જે ચોરાઈ ગયા હતા. આ ઉપરાંત 66000 વોટ્સએપ એકાઉન્ટ પણ બ્લોક કરવામાં આવ્યા છે, જે છેતરપિંડીના કેસમાં સામેલ હતા. સિમકાર્ડ વેરિફિકેશન અંગે મહત્વની વાતો નીચે પ્રમાણે છે.
નિયમોના ઉલ્લંઘન પર 10 લાખ રૂપિયા સુધીનો દંડ
નવા નિયમો અનુસાર તમામ સિમ કાર્ડ ડીલરોએ ફરજિયાત નોંધણી સાથે પોલીસ અને બાયોમેટ્રિક વેરિફિકેશન પૂર્ણ કરવું પડશે. ટેલિકોમ ઓપરેટર દ્વારા સિમ કાર્ડ ડીલરોનું વેરિફિકેશન કરવામાં આવશે અને આ નિયમનું ઉલ્લંઘન કરનારાઓ પર 10 લાખ રૂપિયા સુધીનો દંડ વસૂલવામાં આવશે.
વેરિફિકેશન માટે 12 મહિનાનો સમયગાળો
સરકારે હાલના વિક્રેતાઓને નોંધણીના ધોરણોનું પાલન કરવા માટે 12 મહિનાનો સમયગાળો જાહેર કર્યો છે. વેરિફિકેશનનો હેતુ સિસ્ટમમાંથી નકલી વિક્રેતાઓની ઓળખ, બ્લોકલિસ્ટિંગ વગેરેમાં મદદ કરવાનો છે.
ડેટા કલેક્શન
કેવાયસી રિફોર્મ અંતર્ગત નવું સિમ લેવા અથવા તો વર્તમાન નંબર પર નવા સિમ માટે અરજી કરવાની સ્થિતિમાં પ્રિન્ટેડ આધારના ક્યુઆર કોડને સ્કેન કરીને ગ્રાહકનો ડેમોગ્રાફિક ડેટા કલેક્શન કરવામાં આવશે. આ પહેલા ડીલરનું વિસ્તૃત ડોક્યુમેન્ટેશન આ નિયમમાં સામેલ ન હતું.
બલ્કમાં સિમ કાર્ડ ઈસ્યુ નહીં કરવામાં આવે
ડિપાર્ટમેન્ટ ઓફ ટેલિકોમ્યુનિકેશન્સ (DoT) એ હોલસેલ કનેક્શન્સની જોગવાઈ બંધ કરી દીધી હતી અને તેના સ્થાને કોમર્શિયલ કનેક્શન્સનો કોન્સેપ્ટ લાગુ કર્યો છે. વ્યવસાયોના કેવાયસી વેરિફિકેશન ઉપરાંત સિમ આપનાર વ્યક્તિનું કેવાયસી પણ કરવામાં આવશે. લોકો હજુ પણ એક ઓળખના આધારે નવ જેટલા સિમ લઈ શકે છે. કેવાયસી સંસ્થા અથવા રોકાણકારની ઓળખ અને સરનામાને પ્રમાણિત કરવામાં મદદ કરે છે.
સિમનું ડિસ્કનેક્શન
કનેક્શન કપાઈ ગયાના 90 દિવસ પછી નવા ગ્રાહકને મોબાઈલ નંબર ફાળવવામાં આવશે. પરંતુ રિપ્લેસમેન્ટના કિસ્સામાં ગ્રાહકે આઉટગોઈંગ અને ઈનકમિંગ SMS સુવિધાઓ પર 24-કલાકના બ્લોક સાથે KYC પ્રક્રિયા પૂર્ણ કરવી પડશે. આ વર્ષની શરૂઆતમાં સરકારે એઆઈ-આધારિત સોફ્ટવેર સંચાર સાથી પોર્ટલ લોન્ચ કર્યું હતું. સંચાર સાથી પોર્ટલ દ્વારા લોકો ઉપયોગમાં લેવાતા ડિવાઈસ (મોબાઈલ ફોન)ને ખરીદતા પહેલા તેને બ્લોક, ટ્રેક અને તેની સત્યતા ચકાસી શકે છે. આ સાથે તમે આ પોર્ટલ પરથી ખોવાયેલા અથવા ચોરાયેલા મોબાઈલ ફોનને ટ્રેક કરી શકશો અને તેને બ્લોક કરી શકશે.
