Home Movie Review મૂવી રિવ્યૂ: ઓપનહાઈમર

મૂવી રિવ્યૂ: ઓપનહાઈમર

એક્ટર: કિલિયન મર્ફી, એમિલી બ્લંટ, મેટ ડેમન, રોબર્ટ ડાઉની જૂનિયર, ફ્લોરેંસ પુઘ
ડાયરેક્ટર: ક્રિસ્ટોફર નોલન
શ્રેણી: અંગ્રેજી, બાયોગ્રાફી, ડ્રામા, ઈતિહાસ
સમય: 3 કલાક 10 મિનિટ
રેટિંગ: 4.5/5

આ ફિલ્મ રોમાંચક બાયોગ્રાફી ડ્રામા છે, જે અમેરિકાના ભૌતિક વૈજ્ઞાનિક જે. રોબર્ટ ઓપનહાઈમરના જીવનમાં ઝાંખવાની તક આપે છે. ઓપનહાઈમરને પરમાણુ બોમ્બના જનક તરીકે ઓળખવામાં આવે છે. આ ફિલ્મમાં ઓપનહાઈમરના વડપણ હેઠળ અમેરિકી સૈન્યએ ટ્રિનિટી કોડના નામે કરેલા દુનિયા પહેલા પરમાણુ પરીક્ષણની કહાણી દર્શાવે છે. પરીક્ષણ પહેલા અને પછીની રસપ્રદ ઘટનાઓનું વર્ણન છે.

રિવ્યૂ

ક્રિસ્ટોફર નોલનની ફિલ્મોની વાર્તા કેટલાય વળાંકવાળા રસ્તા પરથી પસાર થાય, સ્ક્રીનપ્લે ભલે જટિલ હોય પરંતુ વાર્તાના મૂળમાં તેઓ પ્રેમ અને પશ્ચાતાપની ભાવના પોતાના અંદાજમાં દેખાડવામાં સફળ રહે છે. આ જ સ્ટાઈલમાં તેમણે ફિલ્મ ‘ઓપનહાઈમર’ નામની માસ્ટરપીસ તૈયાર કરી છે. વ્યક્તિના મોહભંગ પર બનેલી આ ફિલ્મને કાયમ માટે યાદ રાખવામાં આવશે. એક વ્યક્તિની સૌથી મોટી શોધ અને બહાદુરી તેના વિનાશનું સૌથી મોટું કારણ બની જાય છે. ઓપનહાઈમર ભલે પ્રતિભાશાળી વ્યક્તિ હોય પરંતુ તે દુન્વયી સમજણોથી પરે છે. તેમણે બધા પર વિશ્વાસ રાખ્યો અને તેની જ કિંમત ચૂકવવી પડી.

ઈતિહાસની ઘટનાઓ પડદા પર રજૂ કરાઈ

ફિલ્મની શરૂઆત સાઈકોલોજીકલ હોરર-ઈન્વેસ્ટિગેટિવ થ્રીલર તરીકે થાય છે. ઈતિહાસમાં કેદ કેટલીય ઘટનાઓને પડદા પર ઉતારવામાં આવી છે. નોલને પડદા પર ડિટેલિંગ બતાવવા માટે IMAX કેમેરાનો બખૂબી ઉપયોગ કર્યો છે. તમે પડદા પર દેખાતા કલાકારોને એકદમ નજીકથી અનુભવી શકો છો. તેમના ચહેરાના બદલાતા ભાવ, દરેક ન કહેલી લાગણીઓ અને ટપકતાં આંસુને મહેસૂસ કરી શકો છો. લુડવિગ ગોરાન્સનું મ્યૂઝિક ફિલ્મને બેચેનીનો રંગ આપે છે. જે ટિક-ટિક કરતાં ટાઈમ બોમ્બ જેવું છે. ક્રિસ્ટોફર નોલનની ઘડિયાળના કાંટા કદમતાલ કરતાં કરતાં તમારી ચિંતા વધારે છે. ફિલ્મની વાર્તા તમને એવી જકડી રાખે છે કે તમને પલક ઝબકાવવાનું પણ મન નહીં થાય. અંતે જ્યારે તેઓ પોતાના પાત્રને જ અપરાધ ભાવમાંથી મુક્ત કરે છે ત્યારે દર્શક તરીકે તમારો પણ ડૂમો ભરાઈ જશે.

બાયોગ્રાફી પર આધારિત છે ફિલ્મ

ત્રણ કલાક લાંબી ફિલ્મ પુલિત્ઝર અવોર્ડ વિનર બાયોગ્રાફી ‘અમેરિકન પ્રોમેથિયસ: ધ ટ્રાયમ્ફ એન્ડ ટ્રેજડી ઓફ જે. રોબર્ટ ઓપનહાઈમર’ પર આધારિત છે. પરમાણુ પરીક્ષણ અને તેના પરિણામો સાથે જોડાયેલી મુખ્ય ઘટનાઓને સંબોધિત કરતી વાર્તા ભૂતકાળ અને વર્તમાનની વચ્ચે રમ્યા કરે છે. એક વ્યક્તિ જેને પોતાની શોધ પર ખૂબ ગર્વ હતો તે હવે આંખ ઊંચી કરીને પણ નથી જોઈ શકતો. ફિલ્મમાં પરમાણુ બોમ્બ બનાવવો અને તેનું પરીક્ષણ કરવું એ ફક્ત ફિલ્મનો ભાગ છે પરંતુ મોટાપાયે તો તે ફિલ્મ બોમ્બ બનાવનારાની માનસિકતાનું અધ્યયન છે. ઓપનહાઈમરની મહત્વાકાંક્ષા અને ફિઝિક્સ પ્રત્યેના તેમના પ્રેમે તેમને વિનાશ અને નૈતિક સંકોચની ભાવનાથી ભરી દીધો હતો. ક્રિસ્ટોફર નોલને ખૂબ ચતુરાઈથી ઓપનહાઈમરના દિલને તેના દિમાગ વિરુદ્ધ ઊભું કરી દીધું છે.

એક્ટિંગ

જો તમને બીજા વિશ્વ યુદ્ધમાં રૂચિ હશે તો જર્મની, જાપાન, અમેરિકા અને રશિયાના હથિાયારોની થોડીઘણી જાણકારી હશે. આ ફિલ્મ તમને એ હોડ સાથે ચાલી રહેલી સામાજિક-રાજનૈતિક સ્થિતિ સમજવામાં મદદ કરશે. આ ફિલ્મ દર્શાવે છે કે, ફાસીવાદ સામે લડવા અને લોકોનો જીવ બચાવવા માટે એક સારો વ્યક્તિ કઈ રીતે વિનાશનું કારણ બને છે. ઓપનહાઈમરના પાત્રને કિલિયન મર્ફીથી સારું કોઈ ના નિભાવી શક્યું હોત. તેની આંખો પીડા અને શાંતિભર્યા ગુસ્સાને જબરદસ્ત રીતે દર્શાવે છે. રોબર્ટ ડાઉની જૂનિયર અને એમિલી બ્લંટ પોતાના પાત્રને ન્યાય આપે છે. મેટ ડેમન, રામી મલેક અને કેનેથ બ્રાનઘનો કેમિયો સારો છે. આ ફિલ્મ તમને અંદરથી હચમચાવી નાખશે. એક વ્યક્તિ જે ‘મોત’ બની ગયો અને દુનિયાનો વિનાશક કહેવાયો.

કેમ જોવી?

આ ફિલ્મ ક્રિસ્ટોફર નોલનની માસ્ટરપીસ છે. આ એક એવી ફિલ્મ છે જેની છાપ લાંબા સમય સુધી તમારા મન-મગજ પર રહેશે.

RELATED ARTICLES

મૂવી રિવ્યૂ: 3 એક્કા

ગુજરાતી ફિલ્મ 3 એક્કા હાલમાં જ થિયેટરમાં રિલીઝ થઈ છે. મલ્હાર ઠાકર, યશ સોની અને મિત્ર ગઢવીની ત્રિપુટી ફરી એકવાર સાથે આવી છે. 'છેલ્લો...

મૂવી રિવ્યૂ: ડ્રીમ ગર્લ 2

એક્ટર: આયુષ્માન ખુરાના, પરેશ રાવલ, અનન્યા પાંડે, વિજય રાઝ, રાજપાલ યાદવ, અસરાનીડાયરેક્ટર: રાજ શાંડિલ્યશ્રેણી: હિન્દી, ડ્રામા, કોમેડી, રોમાન્સસમય: 2 કલાક 13 મિનિટરેટિંગ: 2.5/5આયુષ્માન ખુરાના...

મૂવી રિવ્યૂ: ઘૂમર

એક્ટર: સૈયામી ખેર, અભિષેક બચ્ચન, શબાના આઝમી, અંગદડાયરેક્ટર: આર. બાલ્કિશ્રેણી: હિન્દી, ડ્રામા, સ્પોર્ટસમય: 2 કલાક 15 મિનિટરિવ્યૂ: 3.5/5'જિંદગી લોજિક કા ખેલ નહીં, મેજિક કા...

LEAVE A REPLY

Please enter your comment!
Please enter your name here

Most Popular

Cauvery Water Dispute: Congress’ DK Shivakumar Misleading People, Says Basavaraj Bommai

<!-- -->Former Karnataka CM Basavaraj Bommai said that Cauvery water should be saved for Bangalore.Bengaluru: Former chief minister Basavaraj Bommai accused Deputy Chief Minister...

रुपाली गांगुली के रिश्तेदार की कहानी है ‘अनुपमा’, बोलीं- मैं भी बचपन में पाखी की ही तरह…

ऐप पर पढ़ें'अनुपमा' टीवी का सबसे पॉपुलर शो है। यह शो हर हफ्ते टीआरपी की लिस्ट में टॉप 5 में अपनी जगह बनाता है।...

CID stars Shivaji Satam, Daya, Anup Soni reunite on sets, fans demand new episode

Actor Shivaji Satam, who essayed the iconic character of ACP Pradyuman in the famous crime show CID, reunited with Dayanand Shetty...

Asian Games: Amlan Borgohain Reaches Semi-final In 200m; Jyothi Yarraji Fails To Qualify | Athletics News

The top three players in each heat and the next four fastest players make it to the semis.© X (Twitter)Indian athlete Jyothi Yarraji failed...

Recent Comments